中總扮靚賀110歲

【明報專訊】如果大家近排經過中環干諾道中，可能會發現香港中華總商會大廈新淨咗好多，而且連大廈地下大堂都翻新過，新咗又靚咗。原來，今年係香港中華總商會成立110周年。按照中國人傳統，「逢五」一小慶，「逢十」一大慶，今年中總已經110歲，當然要慶一慶佢。唔知係咪因為咁，今年中總大廈都扮吓靚。 小琴近日收到中總採訪邀請，出席下個月16日舉行嘅「香港中華總商會大廈新貌獻禮暨110周年會慶活動發布酒會」，相信到時會有更多慶祝活動消息公布。