苦學粵語 外交部fb小編：想撞爆個頭

【明報專訊】中華人民共和國外交部駐港特派員公署嘅facebook專頁，幾日前正式上線，吸引好多網民留言，有唔少人趁機留言叫中央唔好欽點下屆特首。公署fb專頁嘅「小編」噚日出帖，話留言好多，所以好難一一回覆，講明只會揀有代表性嘅「外交相關問題回覆」。


該fb專頁小編又提到，有網民反映話佢哋出post又繁又簡，睇到想撞牆。小編就回應話現時苦學粵語中，「真系（係）學到想撞爆個頭」，Emily就覺得，如果用「撼頭埋牆」，可能更有廣東話味道。