迪士尼推香港主題貼紙

【明報專訊】去過迪士尼樂園嘅朋友都會知道，樂園內嘅演藝人員隨身都會帶住唔同主題嘅貼紙，送畀樂園內嘅小朋友同賓客，呢啲貼紙仲係唔少迪士尼粉絲嘅珍藏品。香港迪士尼將會分階段推出一批新嘅「香港主題貼紙系列」（圖），貼紙一套共有12款，係首次結合迪士尼朋友經典造型，以及香港地標、文化同交通工具為主題嘅貼紙。新貼紙將會喺3月22日至10月31日期間，分階段送畀樂園賓客。