「齊步上怡廈」籌300萬

【明報專訊】超過550人噚日參加每年一度嘅 「齊步上怡廈」跑樓梯比賽，參加者需要行上49層樓梯，到怡和大廈頂樓。今次活動幫提倡精神健康嘅慈善組織「思健」籌到300萬港元。
男子組個人賽由楊銳湘以5分36秒完成，平均嚟計，楊每行一層樓梯只係用咗6.85秒。女子組方面，就由三項鐵人前港隊女將司徒兆殷以6分33秒完成。大會並舉辦「趣怪造型獎」，今年由置地公司團隊嘅海盜造型奪得。