林鄭曾俊華海報街頭「connect」

【明報專訊】3月26日嘅特首選舉，全港只有1194人即0.016%嘅市民有投票權，但3個候選人曾俊華、林鄭月娥同胡國興都想爭取民意，其中兩個前司長由選舉論壇鬥到地面地底。林太噚日喺多個地鐵站扶手電梯位掛宣傳海報，有成130張，而150部有林太廣告肖像嘅巴士已經喺街上面行緊。曾俊華噚日繼續將佢嘅 「信任」、「團結」、「希望」字牌帶到18區展覽。
曾俊華同與林鄭亦喺各區街道掛宣傳橫額，Emily仲發現佢兩個喺唔少地區短兵相接，好似銅鑼灣，兩個人嘅banner掛馬路對面，而喺觀塘，佢哋嘅banner仲係同一欄杆背對背擺放，唔知咁係算係「同行」定係「connect」。