林太大仔現身北京

【明報專訊】本報記者喺北京偶遇林鄭月娥嘅大仔林節思（圖）。林節思噚晚約9點半從北京「芳草地」商務局步出，被問到點樣睇爸爸林兆波支持媽媽但被外界批評、選舉投票日前會唔會再回港支持媽媽，林節思只係話自己今早要返工、已叫車，未作任何回應，向記者報以微笑後離開。
而林節思現身嘅「芳草地」，正係民建聯噚晚喺北京宴請人大政協嘅地點，中聯辦主任張曉明、前主任彭清華，特首梁振英等均有出席。