鄺神玩fb貼士﹕傍晚發帖

【明報專訊】民主黨一眾立法會議員同副主席噚日同傳媒新春團拜，其中「鄺神」鄺俊宇（阿Roy）讚特首選舉參選人曾俊華真係好識玩facebook，有留意曾俊華唔少帖文都係喺下晝6點左右上載，話曾俊華好了解fb用家嘅上網心態。


阿Roy本身用fb都用到出神入化，家佢個專頁有近20萬個like。阿Roy話，平時自己都會喺傍晚6點15分左右就上載帖文，可以食正打工仔放工睇fb嘅高峰時段。


阿Roy發公開信畀4個特首參選人，問佢哋「會否支持成立動物警察及推動《動物保護法》」，佢認為成立動物警察不止於執法，最重要係話畀大眾知，香港絕不容許侵犯動物嘅行為。