紀念守護「加園」一年 胡官到場

【明報專訊】發展局前年指西環堅尼地城加多近街臨時花園土地受污染，擬開展清拆工程，並興建私人住宅，不過計劃遭一啲居民強烈反對，港島區立法會議員許智峯更試過紮營抗議。轉眼已經一年，守護「加園」聯盟、守護堅城關注組等，噚日下午喺花園舉行街坊野餐集會，紀念爭取保留公園1周年。佢哋更邀請到已宣布參選特首嘅退休法官胡國興到場，接收居民請願信。


胡官事後喺facebook上載於堅尼地城科士街石牆樹嘅照片，話如果市區可以多啲綠化空間，相信市民都可以得益。