店舖紛抽水 推689優惠吸客

【明報專訊】行政長官梁振英宣布唔競逐連任嘅消息，噚日震撼全城，多間商店乘機推出以「689」為題嘅優惠吸客。本地食肆「心燒食堂」喺facebook專頁表明「送汽酒，狂賀689棄走」，向侍應喊一句「我要689酒」，即送意大利氣酒一杯；台北咖啡店「共樂 Gung Lok 」亦表示慶祝689放棄參選，出示專頁帖文即送啤酒一罐，可謂抽水無分地域。


買衫睇戲都有優惠，時裝店「Unclekid Store」喺專頁放咗張惡搞圖，話「購物滿$68.9以上，可享9折優惠」。Hong Kong Movie亦喺手機app推push同埋喺專頁出post，特別推出價值$68.9「『餞狼300』聖誕奇趣盒」，電影迷可以用優惠價睇戲，講明係噚日限定，十分應景。