「客機起火」救援演習 逾千人參與

【明報專訊】香港國際機場噚日清晨好熱鬧，停機坪滿佈救援車輛及人員，因為機場管理局及100多個機構搞咗場大型飛機事故及救援演習，模擬一架載有124人嘅客機，喺降落後未能喺指定位置停下，仲撞埋登機橋，客機左側引擎起火並持續燃燒，令機艙內濃煙密佈。「意外」發生後，各緊急救援部隊趕至，但最終都有5人「死亡」及 80人「受傷」。


今次演習安排咗超過1000名唔同單位嘅工作人員參與，仲搞埋「記者會」講解，「記者」係一批大專新聞系學生。