在囚人士炮製少甜馬卡龍

【明報專訊】懲教署一向希望在囚人士可利用服刑時間學番一技之長，希望佢哋日後重投社會可以更容易搵到工作。


好似中度設防嘅塘福懲教所，嗰度有唔少服刑少於1年嘅在囚人士，懲教署同職訓局喺嗰度搞中菜培訓班，學員可以喺中式餐廳「塘苑」練習，Emily噚日有機會試下佢哋嘅手勢同服務，真係同出面的中菜館有得揮。懲教署長邱子昭話，早前佢提議過整手打麵，學員噚日真係製作咗手打上海麵畀大家試吓。另外學員仲製作馬卡龍（圖），講明少甜、每個不多於5克砂糖，味道唔錯。