盂蘭文化節再辦「搶孤」

【明報專訊】潮屬社團總會噚日舉行記者會，講吓今年「盂蘭文化節」有咩活動，該會將喺8月12至14日一連3日舉辦多個盂蘭節活動，好似文化導賞、懷舊美食攤位等，重頭戲係第二次舉辦嘅「搶孤」（以大竹簍搶接米袋），除咗有比賽，市民亦可到場登記體驗搶孤。


盂蘭勝會係國家級非物質文化遺產，副民政事務局長許曉暉（前排右二）噚日亦到場支持，同潮屬社團總會主席陳幼南（前排右一）、盂蘭勝會保育工作委員會主席馬介璋（前排左二）等齊齊戴上傳統笠帽影相。