議員參觀終審法院

【明報專訊】終審法院搬返去中環舊立法會，而立法會司法及法律事務委員會一班議員，噚日就去拜訪，由終院首席法官馬道立及香港高等法院首席法官張舉能接待。大法官好客，連埋食飯，同班議員傾咗3個半鐘。


席間大家傾到司法機構唔夠人手及法院唔夠地方用嘅問題，馬道立都向議員訴苦，話有意推遲法官退休年齡以紓緩人手荒。法院開庭時唔畀影相，但議員參觀就例外，所以大家都來張大合照。左起﹕張舉能、鄧家彪、馬逢國、廖長江、馬道立、郭榮鏗、劉慧卿、譚耀宗及梁家傑。