新思維創黨 阿狄一如所料做主席

【明報專訊】由民主黨前成員狄志遠同黃成智等人組成嘅「新思維」，噚日正式創黨，並且舉行會員大會，選出狄志遠做主席，但黃成智就只係做到28個執委嘅其中一個。新思維3個副主席，分別係新民黨前副主席鄭承隆、曾經獲選傑出青年嘅姜炳耀，同埋廖添誠；而秘書長就係年僅24歲、曾經做過理工大學學生會會長嘅黃俊瑯。


狄志遠強調新思維係走「第三路線」，對於立法會新界東補選，狄志遠話新思維有強烈意向參加，但就未有透露人選，話會等黨內商討之後再作決定。