尖嘴「天降鑽石」 業界話只係人造石

【明報專訊】尖沙嘴彌敦道前晚發生「天降鑽石」事件，有幾十人唔顧儀態踎喺路上執拾，就好似舊年平安夜灣仔解款車跌錢案嘅翻版。當全城討論係咪咁大隻蛤乸隨街跳，同埋係咪有人拾遺不報，警方都接手跟進呢單「高空墮物」事件，噚日將現場執到嘅「鑽石」送去政府化驗所鑑定。


Emily同唔少行家都問過彌敦道一帶嘅珠寶店職員，有人見到呢批「鑽石」，認為只係人造晶石（俗稱蘇聯石），唔係真正鑽石，唔值錢。