今年毅行者 本地薑奪冠

【明報專訊】第34屆樂施會毅行者噚日舉行，冠軍隊伍「2XU UFO」（圖）用咗11小時58分跑完由西貢至元朗嘅賽道，隊員包括曾進傑、羅楚健、林成業同鄧晨金。今次係2009年修訂路線後第一隊全香港人隊伍首名衝線。今年有5200個參加者，4人一隊，要喺48小時內行晒100公里麥理浩徑同接續路段。09年開始，終點由屯門改到元朗，路線長咗兩公里。09年之後，分別由駐港解放軍、法國人、尼泊爾人嘅隊伍奪冠。