足總短片叫球迷尊重對手

【明報專訊】世界盃足球外圍賽嘅「中港大戰」11月17日喺旺角場上演，門票11月4日發售。近年中港矛盾升溫，而中國隊同香港隊又有少少牙齒印，所以呢場波各方都好緊張。香港足總話，佢哋只能勸喻及教育球迷要有品，例如唔好噓國歌，而足總近日就喺YouTube上載一段60秒長嘅宣傳短片《為香港足球歡呼》。


陳七撞跌對手 禮貌拉番起身

短片中無論靚女OL、長者、主婦、少年，都齊齊變成港隊球迷，喺球場為港隊打氣。不過後段先係精髓，片段係港隊同對手交鋒，「陳七」陳肇麒撞跌對手，但好好禮貌咁拉番對手起身，旁白臨尾一再強調，大家要「尊重對手」、「公平競賽」，咁大家收到啦。