維也納兒童合唱團 林鄭官邸唱《月光光》

【明報專訊】歷史悠久嘅維也納兒童合唱團上星期來港開咗兩場音樂會，音樂會前夕、上周五（10月9日）率先到政務司長官邸，為維也納兒童合唱團音樂學院基金成立酒會獻唱。合唱團除咗演唱奧地利民謠，仲首次唱廣東民謠《月光光》，用獨特嘅形式展示兩地文化合作。當晚氣氛都好熱鬧，酒會用《拉德茨基進行曲》作結，喺合唱團帶領之下，賓客以香檳酒杯形沙鈴參與演奏。


明年起辦「香港——維也納音樂節」

根據合唱團資料，成立基金嘅目的，係希望透過跨文化教育發展人才，而未來嘅重要計劃之一，係喺香港辦一間國際學校，用維也納嘅教育專業配合香港教育嘅政策目標，為香港未來儲備人才。基金成立之後，會逐步擴展社區音樂教育課程，服務社區，2016年起會舉辦年度盛事「香港——維也納音樂節」。