圍瞓禮賓府抗議

【明報專訊】特首入住嘅禮賓府，噚日朝早門外多咗一批「露宿者」。其實係社區組織協會帶同一批基層家庭人士去抗議，話要「百人圍瞓禮賓府」，社協話政府日前公布嘅貧窮住戶數據，其實未能反映數以萬戶基層市民居於惡劣住屋環境嘅現况。適逢10月有3個具代表性日子，分別為10月5日世界居所日、10月10日世界無家者日、10月17日國際滅貧日，所以佢哋帶埋紙皮去禮賓府外瞓，要求特首盡快制訂政策，改善基層住屋。