友邦反傳統 推健康概念保險

【明報專訊】近年香港人愈嚟愈注重健康生活，又打泰拳、又健身、又行山，家就連保險公司都唔執輸，買保險都要講健康、講運動。


友邦保險（1299）噚日就公布咗一項有關「活力年齡」嘅調查數據，結果顯示香港市民嘅「活力年齡」平均較實際年齡大5.7歲，可見香港人嘅身體狀況同機能都較實際年齡差。另外，每4名女性就有1人有「大肚腩」，中央肥胖較男性高出一倍。


有見及此，友邦保險就推出反轉傳統保險概念嘅「AIA Vitality健康程式」。客戶只要投保「健康之寶」醫療保障計劃2，就能成為健康程式嘅會員。之後透過參與唔同嘅健康評估、驗身及運動等賺取積分，而所得積分就可以用嚟延續保費折扣。不過小琴就覺得，運動都喺隨心做會比較好。


[小琴密語]