吳亮星唔做財會主席

【明報專訊】建制派為爭奪新一年度立法會嘅委員會主席職位而互不相讓，反而「星爺」吳亮星就話唔爭，主動放棄做財委會主席。按建制派原定嘅協調，星爺下年度可再做財委會主席，但佢話費事由佢做，加深議會矛盾，又話立法會拉布成風，佢只好知難而退，仲話唔排除陳健波係財委會主席合適人選。


星爺之前喺新界東北發展前期撥款中主持會議備受爭議，星爺話家有議員拉布，同埋議事規則嘅錯誤使用，嚴重拖慢財委會進度，所以佢都唔想再做主席，除非議會能「撥亂反正」。


再提東北撥款一事，星爺就話自己盡忠職守，問心無愧。


陳健波接受電台查詢時就話，財委會主席崗位好重要，具挑戰性，但願意同建制派傾吓人選安排。