特奧體操摘7金 10歲黃進培凱旋

【明報專訊】啱啱完成2015年特殊奧林匹克夏季世界比賽嘅中國香港代表團，噚日搭飛機從美國洛杉磯凱旋，代表團中，年僅10歲嘅黃進培（前），一個人就拎咗7面體操金牌。進培首次出戰奧林匹克比賽已得到佳績，佢話要多謝媽媽同教練對佢嘅支持。進培嘅媽媽嚟接機時，開心到即場錫仔仔一啖！真係恭喜晒！


今屆特奧於7月25日至8月2日喺洛杉磯舉行，香港派出76名運動員參加9個項目嘅賽事。港隊今次共取得59面金牌、40面銀牌及23面銅牌，成績彪炳。


（李澤彤攝）