燃油附加費7月加價 長途227元

【明報專訊】Emily同好多香港人一樣都鍾意去旅行，所以對平價機票呀、外幣匯率都好關心，但係千萬唔好睇漏各式雜費如機票嘅燃油附加費。民航處噚日公布，航空公司獲准徵收嘅航空客運燃油附加費水平加價，有效期為7月1日至31日。


新公布嘅附加費水平，短途航班最高為51元，長途航班最高為227元，分別較6月份嘅47元及211元，增加近9%同8%。民航處話，客運燃油附加費係喺航油價格出現波動時，幫航空公司收回部分額外經營成本，有關金額要民航處審批。