30米長聖誕火車

【明報專訊】佔領行動同清場嘅爭拗聲音瀰漫成個10月同11月，快到12月喇，雖然未知港人心情如何，但各大商場唔理咁多，為12月底聖誕節做好準備，其中尖沙嘴海港城噚日喺商場前裝咗一架30米長嘅「聖誕火車」，成架車貼滿星星，又有閃燈又有煙火，鬼咁華麗。商場話只要畀20蚊「香港血癌基金」，就可以走入火車頭裏面，同車上面嘅3米高雪人、熊仔同聖誕球合照。


商場噚日仲搞咗套聖誕歌舞劇畀基層兒童睇"口添"。架火車會擺到2015年1月4日㗎。