「彌敦下邨」入伙 首要諗防風

【明報專訊】旺角佔領區前晚凌晨有「彌敦下邨」入伙，位於彌敦道同豉油街交界。參與「起邨」嘅物資站義工李先生話，前晚有市民捐出15個帳篷，義工馬上喺物資站對出空地，用其中11個帳篷整咗彌敦下邨，諗住整得近啲物資站，有對講機嘅義工有事可提醒「住客」，照應一下，起邨後馬上有人「入住」，接近爆滿。佢話義工擔心清場，唔敢設起所有帳篷，未來會傾點樣唔畀大風吹走條邨。「住客」Emily話，下邨有義工照應，覺得好安全，要睇書休息又多個地方。


（衛永康攝）