麥國華義務為董主持記招

【明報專訊】前特首董建華個幾月內第二次見記者，但係噚日幫佢做主持嘅並唔係公關公司嘅成員，而係新聞處前副處長、喺梁振英參選特首時做過競選辦副主任嘅麥國華（圖左），不過，麥國華噚日就強調自己係義工，因為咁啱公關公司嘅負責人近日離港公幹，所以董生就搵佢幫下手。


董生噚日出嚟見記者，話自己未來都會多啲見傳媒，仲笑住話傳媒唔可以逃避佢喎。記者會完咗之後，有人問佢會唔會落去佔領區睇下，董生就話自己好多嘢做喎。