澳門800人集會撐佔中

【明報專訊】佔中行動唔止喺香港「遍地開花」，世界多地都有人聲援，澳門就有人喺網上發起「澳門聲援香港爭取民主普選」行動，噚晚8點喺友誼廣場舉行集會，除咗撐港人爭取真普選外，譴責香港警方過分使用暴力，盼澳門人意識到香港佔領行動同澳門民主政制發展息息相關。


高峰期有800人，年輕人最多，澳門立法會泛民議員吳國昌、區錦新在場發言，去過香港參加佔領行動嘅澳門人亦上台講感受，仲同香港學聯成員講電話分享經驗，集會夜晚10點和平結束。