陳志全﹕達賴想來港講佛

【明報專訊】雖然政改傾到㷫烚烚，人民力量立法會議員陳志全上星期就去咗德國，唔係去玩，佢去咗德國嘅漢藏研討會，同西藏流亡精神領袖達賴喇嘛交流。陳志全話達賴近年都不問政治，專心處理宗教問題，所以佢無仔細同達賴討論香港政改問題，但就話達賴好想返內地弘揚佛法，特別想去山西五台山，如果返唔到內地，都想去香港講佛。


同達賴喇嘛見面會唔會被人話「勾結外國勢力」㗎？陳志全話唔怕，因為個研討會主題係「尋找共同點」，好正面，而且過程全公開喎。