領匯街市大升呢

【明報專訊】領匯（0823）用咗兩個月翻新嘅天水圍天瑞商場噚日重開，行政總裁王國龍（中）喺開幕禮上話，目前領匯旗下有90個街市，有三分之一外判畀管理公司，整體出租率低於90%，比其他物業為低。佢哋期望透過翻新、升級，將街市出租率提高到90%以上。經翻新後，大埔太元街市嘅出租率由原先只得五成，到最近全面租出，而天瑞街市人流更增加50%。