都市麗人撈埋小朋友內褲

【明報專訊】5月上市嘅內衣股都市麗人（2298），大家最有印象當然係佢哋搵女神林志玲同埋內地男星黃曉明做女裝同男裝內衣代言人啦，不過董事長兼行政總裁鄭耀南噚日就話，下半年會將業務擴展到小朋友內褲同襪仔，至於會搵咩人做代言人就要再諗下喎。鄭耀南話，計劃第四季開多個兒童系列，賣小朋友內褲同襪仔，家系列名未諗好，佢話等到產品推出後會再諗代言人問題，唔知佢心目中係咪已經有人選呢？話晒近期內地果套節目《爸爸去哪兒2》咁紅，搵吳鎮宇同佢個仔代言，有得諗下喎。


中期純利升四成 下半年或派息

至於中期業績，都市麗人又冇話好似其他新股咁「走樣」，純利升四成至1.92億元，營業額升逾三成至17.35億元。鄭耀南話，過去幾年公司上半年銷售都只佔全年45%左右，所以下半年應該表現唔錯，到時應該會考慮派息，報答股東。


[小琴密語]