培青社：評論屬「是其是，非其非」

【明報專訊】「香港培青社」喺facebook嘅專頁，近日因為評論學民思潮黃之鋒嘅戀情而備受關注，培青社前晚深夜回覆Emily嘅查詢，佢話主席陳志興利用個人空餘時間，同理念相近嘅朋友建立平台，以培育青年關心祖國及香港發展為宗旨，表達對社會時事嘅觀點。佢哋話，專頁評論係「是其是，非其非」，總唔能夠話意見同泛民相左，就話係「網絡打手」？


呢個專頁有唔同管理員，但最勤力應係「白少」，噚日佢評論社民連梁國雄、工黨李卓人收捐款但無申報事件。培青社話，專頁發言由不同管理員義務負責，只要發言基於事實，佢哋會給予最大嘅發言自由。