長毛撐真普聯：可同中央拗手瓜

【明報專訊】社民連梁國雄（長毛）因為3年前衝擊遞補機制論壇一案被判服刑4星期，參加唔到6．22佔中全民投票，不過佢一早已經幫真普聯錄製宣傳短片，呼籲大家參加投票支持真普聯「三軌方案」，仲話真普聯喺立法會有票在手，可以同港府甚至北京政府「拗手瓜」。


除咗長毛，真普聯搵咗公民黨主席余若薇打頭陣，擔正叫人一定要參加同支持1號嘅真普聯「三軌方案」。多個真普聯泛民議員都粉墨登場呼籲投票，強調佢哋嘅方案可以讓香港人有真正選擇，揀自己嘅特首。