教回應傳媒 劉鳴煒多謝肥馬

【明報專訊】霍震霆長子霍啓剛、商務及經濟發展局前局長馬時亨（肥馬），以及華置主席劉鳴煒，噚日為第一屆香港青年服務領袖獎獎勵計劃任評審之餘，都搞搞氣氛。


馬時亨遺憾無參加制服團體

霍啓剛同「肥馬」兩個都話，好遺憾自己未參加過制服團體，肥馬仲拍啓剛膊頭鼓勵佢同郭晶晶再生BB，「啓剛呢啲有第二代嘅人，生產力要強啲，佢哋嘅第二代早啲參加制服團體」。霍啓剛笑笑口答﹕「（小朋友）要贏在起跑線。」


不過，啓剛同劉鳴煒都話自己絕非怪獸家長，啓剛話﹕「我不會逼小孩天天補習到晚上9時，分數固然重要，但天生我才必有用，紀律、興趣、幫到人好重要。我希望小朋友愈早參加制服團體愈好，唔希望下一代損失呢個機會。」


霍啟剛話自己非怪獸家長

提到劉鳴煒剛接掌爸爸劉鑾雄嘅華置，點樣臨危受命發揮領袖才能？劉鳴煒唔想多講，馬時亨即解圍話「立法會通常有兩個答案﹕書面答覆或沒有補充」。劉鳴煒即笑住向馬時亨拱手答謝，笑說「沒有補充」。