2014年03月28日 06:35
新聞類別
詳情#
【明報專訊】噚日港交所（0388）行政總裁李小加去金鐘出席活動，入門即刻同一班記者兜口兜面撞到正，當然又被追問對流失咗阿里巴巴呢單IPO「大刁」嘅感受。估唔到小加聞言即扮晒求救咁大叫︰「能不能讓我過一天不說阿里巴巴的事？」佢仲自爆就算冇咗阿里巴巴，今年香港都繼續會有大型IPO生意，「面包、牛奶會有的」，唔係真係講緊從事呢啲行業嘅公司會嚟上市，呢句話出自名著《鋼鐵是怎樣煉成的》，意指明天會更好。
靠記者提 才醒起中信「大刁」
小加竟然冇提中信泰富（0267）買起母企中信集團所有資產、變相令後者成為首間全盤來港上市嘅央企呢個「大刁」，要記者追問先記得。佢話對呢件事感到「挺高興」，祝願對方上市成功。又話中信個Case有獨特性，唔係咁多大型央企響香港擁有好長嘅營運歷史；同時又夠普遍性，即係呼應咗中國大型企業加速國際化嘅趨勢。
騰訊傳入股金秀賢經紀公司
小加大叫可唔可以一日無「巴巴」，小琴則係無《星星》八卦嘢不歡。今日又有傳聞話，《星星》男主角金秀賢所屬經紀公司Keyeast最近話，為提升響中國嘅經營效率，正同騰訊（0700）協商籌集資金一事，但具體籌資規模同時間仲未確定。唔知佢地有咩花臣嘢搞呢？
[小琴密語]
靠記者提 才醒起中信「大刁」
小加竟然冇提中信泰富（0267）買起母企中信集團所有資產、變相令後者成為首間全盤來港上市嘅央企呢個「大刁」，要記者追問先記得。佢話對呢件事感到「挺高興」，祝願對方上市成功。又話中信個Case有獨特性，唔係咁多大型央企響香港擁有好長嘅營運歷史；同時又夠普遍性，即係呼應咗中國大型企業加速國際化嘅趨勢。
騰訊傳入股金秀賢經紀公司
小加大叫可唔可以一日無「巴巴」，小琴則係無《星星》八卦嘢不歡。今日又有傳聞話，《星星》男主角金秀賢所屬經紀公司Keyeast最近話，為提升響中國嘅經營效率，正同騰訊（0700）協商籌集資金一事，但具體籌資規模同時間仲未確定。唔知佢地有咩花臣嘢搞呢？
[小琴密語]
留言 (0)