【食安闢謠 — 為「凍燒」嘅肉平反】

【食安闢謠 — 為「凍燒」嘅肉平反】
#湯嬸：咦⋯⋯點解塊雪藏肉啲色變咗，一撻撻變深色咗，仲結晒冰嘅。之前啲街坊話變壞咗，唔食得要成塊掉咗，係真唔係呀？

#食安仔：咁又唔使～你手上塊雪藏肉應該係出現「凍燒」嘅跡象。有時貯存喺冰格嘅雪藏食物，如果包裝得唔好，有啲位會變得乾韌、變色或者結滿冰晶。呢種情況一般只會改變食物嘅品質，唔會影響食物安全。不過，如果消費者有需要嘅話，亦可以喺煮之前或之後去除「凍燒」嘅部分。

#食安妹妹：要預防食物出現「凍燒」嘅情況，大家可以參考以下技巧
 確保食物喺冷藏前妥善包好，放入密實袋或者密實盒
 如果選用密實袋，應先將多餘嘅空氣排出再封口
 冷藏食物前，喺包裝上標記食物名稱同食用限期
 喺製造商建議嘅貯存時間內使用冷藏食品

至於熱嘅食物，記住要冷卻後，先好進行冷藏呀。想知多啲點樣正確處理冷藏食物？
即去 https://bit.ly/3PHI5eh