【小心冰箱變成細菌培養箱！】

#食安妹妹：嘩，雪崩啊！#湯嬸 ，你究竟幾耐無執過個雪櫃呀？
湯嬸：......😓，啲食物雪住唔會有菌，咪放晒佢哋入雪櫃囉...... 
食安妹妹：雪櫃亂咁用，冰箱都變成細菌培養箱啦😤！冷凍或者冷藏都唔可以殺滅細菌同埋病毒，低溫環境只能夠減慢大部分細菌嘅生長或者令佢哋失去活性。當雪櫃無法保持喺低溫環境，食物中嘅微生物就會再次活躍起嚟。唔想雪櫃變成細菌養殖場，就要跟住以下要點啦😉～

❄️雪櫃切忌擺得太滿，要有適當空間令冷空氣流通，均勻冷凍所有食物
🥩食物要妥善放喺有蓋容器內，即食食物或熟食存要放喺上層，生嘅食物就放喺下層，避免生肉嘅汁液滴到其他食物，造成交叉污染
🌡定期檢查雪櫃溫度，冷藏格要保持喺攝氏零下18度或以下，保鮮格就要保持喺攝氏4度或以下
🧽定期清潔雪櫃，變壞咗或者過咗「此日期或之前食用」(use by) 嘅食物要棄掉