上載圖片(選填 (最大為：2 MB))
發佈
2020年04月21日 14:56
喺香港，講廣東話？好正常！但寫廣東話，就會俾人認為係夾雜口語，影響寫作水 平。實情係，用廣東話「我手寫我口」，好多時候反而更加直接傳神，絕對唔會影響 表達能力。
可惜喺呢個發展蓬勃嘅網絡世代底下，雖然用廣東話寫嘢已經好常見，但大部份人都 為求方便快捷，以為語義無礙就不求甚解，淨係以近音或同音字代替，例如：果度 （正字：嗰度）、中意（正字：鍾意）、緊係（正字：梗係）等等，仲開始習非成是 ，覺得「總之我睇得明啦」，是是但但，錯字氾濫，呢啲先係令人誤解「寫廣東話=寫 作水平低」嘅元兇。
今次先同大家分清楚「畀」、「俾」、「比」三字。作為動詞使用時，佢哋嘅意思應 該如下：
【畀】
解釋：給予，交託；於主動的情況下使用。 例句：頭先你畀咗錢未？（剛才你付錢了沒有？） 【俾】 解釋：使得，令到，讓；於被動的情況下使用。 例句：不如你俾佢入嚟。（不如你讓他進來。） 例句：佢俾人打咗一鑊呀！（他被人揍了一頓！）
【比】
解釋：比較、比喻。 例句：佢比你聰明好多。（他比你聰明很多。）
所以，唔好再覺得「用得啱係好嘢，寫錯字係平常」，再隻眼開隻眼閉嘅話，廣東話 嘅水平就真係俾你拖低晒喇。套用一位香港著名健身教練嘅金句：「畀啲掙扎！」 （唔係俾啲掙扎，都唔係比啲掙扎。）你都唔想見到廣東話死嘛？
可惜喺呢個發展蓬勃嘅網絡世代底下，雖然用廣東話寫嘢已經好常見，但大部份人都 為求方便快捷，以為語義無礙就不求甚解，淨係以近音或同音字代替，例如：果度 （正字：嗰度）、中意（正字：鍾意）、緊係（正字：梗係）等等，仲開始習非成是 ，覺得「總之我睇得明啦」，是是但但，錯字氾濫，呢啲先係令人誤解「寫廣東話=寫 作水平低」嘅元兇。
今次先同大家分清楚「畀」、「俾」、「比」三字。作為動詞使用時，佢哋嘅意思應 該如下：
【畀】
解釋：給予，交託；於主動的情況下使用。 例句：頭先你畀咗錢未？（剛才你付錢了沒有？） 【俾】 解釋：使得，令到，讓；於被動的情況下使用。 例句：不如你俾佢入嚟。（不如你讓他進來。） 例句：佢俾人打咗一鑊呀！（他被人揍了一頓！）
【比】
解釋：比較、比喻。 例句：佢比你聰明好多。（他比你聰明很多。）
所以，唔好再覺得「用得啱係好嘢，寫錯字係平常」，再隻眼開隻眼閉嘅話，廣東話 嘅水平就真係俾你拖低晒喇。套用一位香港著名健身教練嘅金句：「畀啲掙扎！」 （唔係俾啲掙扎，都唔係比啲掙扎。）你都唔想見到廣東話死嘛？
