上載圖片(選填 (最大為：2 MB))
發佈
2022年08月16日 09:48
雖然是疫情期間，每日都有幾千單確診個案，但放假冇理由留响屋企發呆，最緊要自己打齊針做足防疫措施， 去邊都放心好多。 結果响屋企食早餐墊枱張報紙見到介紹staycation。 講嘅酒店係美利。 雖然好多人都去過， 但都好想試一次。 我即刻上網試下book， 但要幾個禮拜後先有。估唔到都幾受歡迎。 最後放棄， 轉去行下公園。 無錯! 就係行公園。因為好耐無去過香港公園同動植物公園，突然諗起細個老豆帶我哋幾個豆釘去兵頭花園， 記憶返晒嚟，所以去回味一下昔日情懷。由於閒日嘅關係，仲要係早上十點幾, 買左杯咖啡， 坐响一邊， 雖然成個禮拜都有落雨， 但今早有陽光， 真係好! 一路行動植物公園， 見到唔少動物，大部份都係靈長類或鳥類，但聽講以前隻美洲豹已經仙遊咗。生死循環不斷，人生匆匆幾十載。 難得放假還有閒情去公園睇下、思考下， 總好個坐响屋企煲劇.
